22 Наурыз – Ұлыстың ұлы күні мерекесі

Педагог-тәрбиешілер мен ата-аналардың бірлесе ұйымдастыруымен 22 Наурыз – Ұлыстың ұлы күні мерекесі кең көлемде аталып өтті. Бұл жарқын мереке ұлттық дәстүрлерімізді дәріптеп, балаларға рухани тәрбие берудің тамаша үлгісіне айналды.
Мерекелік шара барысында ата-аналар мен балалар бірге ұлттық ойындар ойнап, салт-дәстүрлерді жаңғыртып, әсем ән мен биден шашу шашты. Балалардың шат күлкісі мен ата-аналардың белсенді қатысуы мерекенің мәнін одан әрі арттыра түсті.
Осындай бірлескен іс-шаралар балабақша мен ата-ана арасындағы ынтымақтастықты нығайтып, ұрпақ тәрбиесіне ортақ жауапкершілікті күшейтеді.
Наурыз мерекесі баршаға құт-береке, шаттық пен жылулық сыйласын! 🌿